140x140

Granskari til Umhvørvisstovuna

Umhvørvisstovan søkir starvsfólk til deildina Vernd at savna og viðgera dátur um náttúru og umhvørvi, og at skipa fyri viðkomandi gransking

Vit virka fyri at fyribyrgja og avmarka dálking og at varðveita margfeldið í føroysku náttúruni. Vitan um føroyska náttúru og umhvørvi er fremsta grundarlagið undir okkara arbeiði. Tí fara vit miðvíst undir at savna, skráseta og greina vitan um føroyska umhvørvið og at fremja gransking, sum stuðlar undir okkara arbeiði.
 
Starvið
Arbeiðið snýr seg m.a. um at
· standa fyri og samskipa eitt dátusavn um føroyska náttúru og umhvørvi, t.e. plantur, dýr, dálking, lendi o.a.,
· kanna, hvør vitan finst um føroyska náttúru og umhvørvi hjá vitanarstovnum o.ø. í Føroyum og uttanlands. Kanna í hvørjum líki henda vitan er, og í hvønn mun hon er ella kann gerast tøk,
· skráseta og viðgera tøka vitan,
· miðla tøka vitan til starvsfelagar, stovnar, borgarar o.o.,
· lýsa tørvin á nýggjari vitan,
· skipa fyri og fremja viðkomandi gransking,
· luttaka í viðkomandi gransking á Umhvørvisstovuni, t.d. AMAP
 
Førleikar
Tú hevur hægri útbúgving og granskingarførleikar innan náttúru ella umhvørvi. Tú hevur dyggar royndir í at arbeiða við dátugrunnum og at viðgera og greina náttúrudátur. Tú ert fjølbroytt(ur) og kanst útinna ymiskar uppgávur. 

Tú dugir væl at samskifta í skrift og talu á føroyskum, norðurlendskum og enskum. 

Setanarviðurskifti
Starvið er fulltíðarstarv at byrja skjótast gjørligt.

Løn og setanartreytir eru sambært sáttmála millum Fíggjarmálaráðið og Akademikarafelag Føroya, ella annað viðkomandi yrkisfelag. Arbeiðsstaður er Umhvørvisstovan.

Umsókn
Umsókn, saman við prógvum og viðkomandi skjølum skal vera Umhvørvisstovuni í hendi í seinasta lagi 20. februar 2019, og sendast til starv@us.fo ella sum bræv til 
Umhvørvisstovan 
Traðagøta 38
Postboks 2048
165 Argir

Nærri upplýsingar um starvið fáast við at venda sær til Suna Petersen, deildarleiðara á Vernd, teldupostur SuniP@us.fo, tlf. 234344 ella Petur Nielsen, stjóra, teldupostur PeturN@us.fo, tlf. 234370.


Umhvørvisstovan er stovnur undir Heilsu- og innlendismálaráðnum, og fevnir stovnurin um virkisøkini umhvørvisvernd, orkumál og elveitingareftirlit, viðarlundir og frílendi, kort og geodátur, matrikul, tinglýsing og landsfólkayvirlit.

Leys Størv