Útlátið av vakstrarhúsgassi økist framvegis

Gongdin við øktum útláti av vakstrarhúsgassi heldur fram. Samlaða útlátið í 2018 var 905 túsund tons í CO₂ eindum , sum er ein vøkstur upp á góð 5 % í mun til 2017. Størra helvtin av vøkstrinum, 2,9 %, skyldast økta nýtslu av sokallaðum F-gassum, sum fyri stóran part eru kølievni, sum verða brúkt umborð á skipum. 1,2 % av vøkstrinum stava frá øktari nýtsla av olju til at framleiða streym.

Myndin niðanfyri vísir, hvussu gongdin hevur verið í útlátinum í ymiskum útlátsbólkum frá 1990 til 2018.

  
CO₂ útlátið frá føroyskum fiskiskipum var mest sum tað sama sum í 2017.

Um søla av olju til útlendsk fiskiskip varð tikin við, var samlaða útlátið í 2018 1,2 mió. tons av CO₂ eindum, og vøksturin frá 2017 til 2018 góð 12 %. Útlendsk fiskiskip eru ikki við í myndini omanfyri.
 

• Her finnur tøl og myndir úr seinastu uppgerðini
• Her er Frágreiðing um útlát av vakstrarhúsgassi, 1990-2018
• Her eru myndir, sum vísa, hvussu gongur við at náa málunum í Veðurlagspolitikinum

Um tú hevur spurningar ella viðmerkingar er tú vælkomin at ringja til Umhvørvisstovuna, telefon 342400, ella at senda okkum ein teldupost us@us.fo